Nado en 1871 en Gran Bretaña, Wyke-Smith escapou do destino que lle marcara o seu pai como artista: formou parte da Garda Montada e máis tarde enrolouse nun veleiro, co que navegou ata Australia e a costa oeste dos Estados Unidos.

Tras licenciarse como enxeñeiro de minas, traballou en México, América do Sur, España, Portugal e Noruega.

Comezou a escribir a petición dos seus fillos, e publicou catro libros infantís e catro para adultos. A súa derradeira obra, O marabilloso país dos snergs (1927), serviría de inspiración para O hobbit de J.R.R. Tolkien. Faleceu en 1935 en Cornualles.