Jane Austen (1775-1817) é unha das escritoras clásicas da literatura inglesa. Procedente dunha ampla familia da fidalguía rural inglesa, Austen nunca chegou a casar, polo que un dos seus irmáns tivo que negociar a edición dos seus libros nunha época na que as mulleres non tiñan potestade para asinar contratos. Este mundo no que “casar ben” era esencial para as mulleres queda retratado con ironía nas súas novelas máis famosas: Sentido e sensibilidade (1811), Orgullo e prexuízo (1813), Emma (1815) e Persuasión (1818).