Áslaug Jónsdóttir (Islandia, 1963) é unha ilustradora, escritora de libros infantís, artista e deseñadora gráfica. Pola súa obra recibiu varios premios, como o Premio Dimmalimm pola ilustración de libros para a infancia, e foi destacada cunha mención especial do White Ravens e para a lista de honra do IBBY.

Rakel Helmsdal (Dinamarca, 1966) viviu a meirande parte da súa vida nas Illas Feroe. É autora de varios libros infantís, así como de pezas teatrais para os máis novos. Ademais, creou o seu propio teatro de monicreques, e recibiu varios premios e mencións pola súa obra.

Kalle Güettler (Suecia, 1949) debutou en 1990 como autor de literatura infantil e xuvenil e dende entón publicou unha vintena de libros. Co que máis goza é cos álbumes ilustrados, por iso se embarcou na serie dos monstros con Rakel Helmsdal e Áslaug Jónsdóttir.