Philippe Claudel
...
- TEMÁTICA:
-
- Europa, Ficción contemporánea, Novela negra
- IDIOMA:
-
- Galego
- XÉNERO:
-
- Ficción
- TRADUTOR:
-
- Moisés Barcia
- LINGUA DE ORIXE:
-
- Francés
- DATA DE PUBLICACIÓN:
- Setembro de 2016
As almas grises sitúanos en 1917 nunha pequena vila de Francia, onde aparece o corpo sen vida dunha rapaza. Á escena do crime acoden un policía, un xuíz instrutor e un militar. O asasinato de Belle suscita innumerables sospeitas, esperta vellos rancores e sacode unha orde social que cambalea. Todos os indicios apuntan ao fiscal Destinat, un rico aristócrata xa xubilado, pero o xuíz designará como culpables dous desertores apresados nas proximidades do lugar do crime. Porén, a crónica dos feitos, escrita polo policía vinte anos despois do suceso, convida o lector a descubrir unha realidade inesperada. Neste relato, debuxado nos tons grises da dúbida e da incerteza, ninguén é inocente e os culpables tamén son, dalgún xeito, vítimas.
Esta obra foi galardoada co Premio Renaudot e elixida Libro do Ano polos libreiros franceses.
Esta obra recibiu unha axuda da Secretaría Xeral de Cultura, Consellería de Cultura, Educación e Ordenación Universitaria da Xunta de Galicia, na convocatoria de axudas para a tradución do ano 2015.
