Pack para descansar a conciencia (edición limitada)

Descripción

Que mellor plan para este inverno que engancharte a un clásico mentres tomas unha infusión nunha cunca especial? Tes que facer un agasallo a alguén a quen os remorsos non lle deixan durmir polas noites? Aproveita esta ocasión para conseguir este pack composto por:

-un exemplar de Crime e castigo, en edición en tapa dura forrada en tea, con ilustracións en branco e negro e múltiples anotacións para entender a obra;

-unha cunca co deseño da cuberta;

-unha infusión (sen teína) para conciliar o sono.

Edición limitada ata fin de existencias.

Se queres facer un agasallo e meter unha nota personalizada na caixa, indica a mensaxe nas anotacións.

Crime e castigo é unha novela de carácter psicolóxico, publicada por primeira vez en doce entregas entre os anos 1866 e 1867.

Ambientada no San Petersburgo de 1865, a novela segue a Rodión Raskólnikov, un estudante que se ve obrigado a abandonar a universidade pola falta de recursos da súa familia. Necesitado de cartos para poder pagar os seus gastos, recorre a unha anciá prestamista, e, anoxado pola situación e cheo de delirios de grandeza, comeza a fantasiar coa idea de matar a anciá.