Ágota Kristóf naceu en 1935 en Csikvánd, Hungría. En 1956, as súas inquedanzas políticas obrigárona a exiliarse a Suíza, onde traballou durante anos nunha fábrica de reloxos e aprendeu a lingua coa que máis tarde emprendeu a súa carreira literaria: o francés. Deu os seus primeiros pasos no mundo tanto da poesía coma do teatro, mais foron as súas obras narrativas as que elevaron o seu prestixio como escritora. Na súa primeira novela, O Gran Caderno (1987), Kristóf aborda de xeito conciso pero descarnado a perda da identidade ante os horrores da guerra, tema que continúa en A proba (1988) e en A terceira mentira (1992), obras que completan a triloxía coa que recibiu, entre outros, o premio austríaco de Literatura Europea. Escribiu ademais outras novelas destacadas, como Onte (1995) e A analfabeta (2004). Faleceu en Nauchatel (Suíza) en 2011.