Tove Jansson (Helsinki, 1914-2001) naceu no seo dunha familia de artistas pertencentes á minoría sueca de Finlandia. Tras formarse en varias escolas de Arte, exhibiu as súas pinturas, ao tempo que creaba os personaxes que lle darían fama internacional: os Mumin. Estes trolls nórdicos semellantes a hipopótamos protagonizaron unha serie de libros infantís que máis tarde se converteron en debuxos animados e que lle valerían numerosos premios, como o Nils Holgersson en 1953, o Hans Christian Andersen en 1966 ou o Premio Nacional de Finlandia en 1963 e 1971.