Rafik Schami naceu en 1946 en Damasco. Na súa mocidade editou durante tres anos un xornal nun barrio da súa cidade. Debido á censura, en 1970 fuxiu ó Líbano e un ano despois emigrou a Alemaña, onde obtivo a licenciatura en Química e traballou na industria. Na actualidade reside en Mannheim e dedícase exclusivamente á literatura. A publicación de Un puñado de estrelas en 1987 reportoulle un grande éxito de público e crítica. Schami demostra ser un escritor de fondas raíces árabes e, ao mesmo tempo, un escritor universal.