Kathleen Mary Norton naceu en 1903 en Buckinghamshire  e criouse nunha casa en Bedfordshire, onde localizaría o seu libro The Borrowers, publicado en 1952 e coñecido en todo o mundo.

Logo de casar, viviu en Portugal e no Reino Unido, pero na II Guerra Mundial emigrou a Nova York, onde tivo que manter soa os seus catro fillos. Foi daquela cando comezou a escribir A bruxa novata, cuxa primeira parte se publicou en 1945 e a segunda, dous anos despois.

Os seus libros infantís lograron unha gran sona mundial e foron adaptados pola factoría Disney. A autora faleceu  en 1992 en Devon.