J. R. R. Tolkien, nado en Bloemfontein o 3 de xaneiro de 1892 e finado en Bournemouth o 2 de setembro de 1973, foi un escritor, poeta, filólogo e profesor de universidade inglés de orixe surafricana, coñecido polas obras O hobbit e O señor dos aneis. Aínda que outros autores anteriores xa tiveran publicado obras de fantasía antes ca Tolkien, a popularidade das súas obras fixo que se lle identifique popularmente coma o «pai» da literatura fantástica moderna. En 2008, o xornal The Times clasificouno no sexto posto nunha lista dos «50 escritores británicos máis importantes dende 1945».