Ana Bulnes, Raquel C. Pico e María Ramos Domínguez son tres xornalistas que comparten, ademais das penurias de ser autónomas, a súa paixón por indagar en temas históricos, especialmente os relacionados coa historia invisible das mulleres. Xuntas traballaron nas anotacións de Emma, de Jane Austen (Sushi Books, 2023). Señoras en bicicleta é o resultado de horas de reflexións e lecturas compartidas e dun grupo de wasap moi moi activo.