A obra escrita do alemán Waldemar Bonsels (1880-1952) abrangue dende novela negra ata relatos filosóficos, pasando por literatura de viaxes e estampas naturalistas.

Acredor no seu tempo de grande éxito e sona, o seu legado máis duradeiro foi a entrañable personaxe da abella Maia, unha contribución ó universo cultural infantil que as súas controvertidas actitudes nos anos do nazismo e da posguerra non lograron empanar.

Na lápida de Bonsels figura a última frase do segundo libro sobre Maia: «Todos nacemos da ledicia e a ela retornamos».