Pavel Šrut & Galina Miklínová
Pavel Šrut naceu en 1940 en Praga. É un recoñecido poeta, tradutor, compositor de cancións e autor de guións de cine e radio. Pertence á xeración da posguerra. Estudou inglés e español na Universidade Carlos de Praga. Os seus libros infantís distínguense pola súa gran inventiva (Petrklí a petrkliky, 1966; Píšerky a pi, 2005, ou Šišatý švec a myšut, 2007). Dos seus traballos en prosa, destacan Verunka a kokosový dadek (2002) e a serie Lichožrouti, xunto á ilustradora Galina Miklínová. No 2012, Šrut recibiu o premio Karel Capek do PEN Club checo pola súa carreira.
Galina Miklínová (Ostrava, 1970) é unha ilustradora checa e directora de animación. Ilustrou moitos libros infantís e deseñou as cubertas da edición checa de Harry Potter. Como ilustradora de libros gañou premios como o Zlata stuha. Na actualidade traballa na adaptación cinematográfica d’Os Papacalcetíns.
Publicacións en Sushi Books