Frances Hodgson Burnett (Manchester, 1849 – Nova York, 1924) foi unha das escritoras máis populares do seu tempo en lingua inglesa, autora de máis de cincuenta obras. A maior parte da súa produción literaria está formada por novelas destinadas a un público adulto, pero tamén escribiu novelas infantís. Foi coñecida por obras como Little Lord Fauntleroy, aínda que hoxe en día a súa obra máis destacada é O xardín secreto, un clásico da literatura que obtivo un gran recoñecemento anos máis tarde da súa publicación.