Edith Nesbit (Londres, 1858-1924) medrou no seo dunha familia numerosa. Con tres anos quedou orfa de pai, o que provocou que tivesen que mudarse en varias ocasións. Viviu en Inglaterra, Francia, España e Alemaña. Con 22 anos casou e formou unha familia nada convencional, ó tempo que se implicou na literatura e no activismo político. Os libros infantís de Nesbit destacan polo seu humor e estilo innovador, que mestura a realidade ordinaria con elementos máxicos, e tiveron unha influencia determinante na literatura infantil actual.