Ourense, 1983.

Ao principio debuxaba polo mesmo que todos os nenos, porque si, porque os nenos debuxan. Despois empezou a debuxar (a calcar debuxos na ventá) para poder ter na casa a Son Goku, a Batman, a Mortadelo ou a Oliver e a Benji sen que ocupasen demasiado. Máis tarde debuxou porque, por algún motivo que descoñece, tamén quería ter na casa os seus profesores, a case todos, gardados nunha carpeta. E agora que xa fixo moitos para si, o que intenta é que sexan outros os que teñan os seus debuxos nas súas casas. E que lles gusten.