Catherine Storr (1913-2001) licenciouse en literatura inglesa, estudou medicina e exerceu a psiquiatría antes de dedicarse de cheo á súa paixón: escribir. Pensando nas súas fillas pequenas, ideou a súa obra máis emblemática, as aventuras d’A astuta Polly e o lobo parvo, que se editou en 1955 e xa nunca máis desapareceu das librerías. Con máis de corenta libros para nenos e adolescentes, Storr consolidouse como unha das voces máis queridas da literatura infantil europea.