Astrid Lindgren naceu en Suecia en 1907, nunha pequena aldea. Abandonou o campo para vivir en Estocolmo, onde casou e tivo dous fillos. A súa filla Karin inspirou Pippi Mediaslongas (1945), a súa obra máis coñecida.

Cun cento de libros publicados e traducida a máis de 80 idiomas, a autora foi avalada co Premio Hans Christian Andersen, o Premio Nacional de Literatura de Suecia, a Medalla de ouro da Academia Sueca e o Premio Internacional do Libro da Unesco. Tras a súa morte, no 2002, instaurouse o Premio Memorial Astrid Lindgren de literatura infantil e xuvenil.