Os sangues

Descripción

Féléor Barthélémy Rü posúe unha inmensa fortuna e un desexo desmedido pola carne crúa e a brutalidade. Recréase nestes praceres xunto coas súas esposas e vítimas, que lonxe de fuxir do ogro, acoden a el por propia vontade, dispostas a deixarse levar polas máis escuras fantasías. Estas sete mulleres explican nos seus diarios quen son e por que se entregan a el.

Nesta obra, Audrée Wilhelmy reimaxina o personaxe clásico do ogro Barba Azul, e faino a través da mirada das súas mulleres: Mercredi, Constance, Abigaëlle, Frida, Phélie, Lottä e Marie, que escriben sete pequenos cadernos íntimos nos que relatan as súas experiencias con Féléor. Este decide reunilos e anotalos en memoria das súas esposas.

Esta obra recibiu unha axuda da Dirección Xeral de Políticas Culturais da Consellería de Cultura e Turismo da Xunta de Galicia na convocatoria de axudas para a tradución e/ou edición do ano 2019.