José Darriba Puente atópase no mellor momento da súa vida. Ten todo un camiño por diante, alimenta as súas paixóns culturais, posúe unha boa formación académica e é extremadamente educado. Cada poro da súa pel irradia vitalidade e enerxía. O seu sorriso cativador e o seu don de xentes convérteno nun mozo non exento de atractivo. Non lle faltan noivas e sabe que o futuro está nas súas mans. No entanto, posúe algo perigoso para os tempos que virán: ideas.
José Darriba Puente, con criterio propio, é un home do seu tempo e do seu pobo. Traballador, inquedo e cheo de ilusións, desexa un mundo mellor. Unha esperanza que se truncará o 18 de xullo de 1936.
