Lois Barcia (Vigo, 1946) criouse entre Pereiró e Tui, e pasaba os veráns cun tío crego e confesor de monxas portuguesas que lle ensinaba lendas lusas. Entre as lecturas de Lois estaban as novelas de Emilio Salgari, Giovannino Guareschi, Álvaro Cunqueiro, Juan Rulfo, Jorge Luis Borges e os clásicos europeos aos que admiraba na mocidade. Barcia é perito químico con dedicación profesional a este sector, e alquimista das palabras. De novo emigrou a Madrid, onde pasou trinta e cinco anos e un día, ata que regresou por fin á súa Galicia natal. Na actualidade, ademais de escribir contos coma os que tedes nas mans, o autor tamén pinta monas e escaralla pianos.