Eva Moreda (A Veiga, 1981) debutou na literatura galega en 1997 e dende entón publicou máis dunha ducia de títulos. Tras varios anos vivindo en Italia, Alemaña e Inglaterra, actualmente reside en Escocia, onde é profesora no departamento de Música da Universidade de Glasgow. A súa voz reivindícase como unha das máis innovadoras e senlleiras da literatura galega actual. As súas últimas obras publicadas son Para toda a vida (Aira Editorial, 2020) e Rapazas de Polar (Morgante, 2021).