Erkka Mykkänen naceu en 1988 e vive en Helsinki, cidade na que exerce como profesor de escritura creativa e escritor. Gañou ou resultou finalista de distintos premios nos eidos da poesía, a prosa, o xornalismo ou a curtametraxe, disciplina á que tamén dedica parte do seu tempo.
Como escritor, participou en numerosas antoloxías colectivas. Tres fins do mundo (2015) foi o seu primeiro volume propio, co que acadou un grande éxito de crítica. En 2018 viu a luz a súa novela Something not good.