Os Estados e Imperios do Sol

TRADUCIÓN DO FRANCÉS, INTRODUCIÓN E NOTAS DE HENRIQUE HARGUINDEY BANET

Os Estados e Imperios da Lúa –xunto con Os Estados e Imperios do Sol– conforman a longa viaxe de Cyrano polo Outro Mundo. Na segunda parte, a descrición do autor tradúcese nun texto fortemente simbólico no seu percorrido polas terras iluminadas e máis opacas do Sol.

Considerada como unha das primeiras obras do xénero literario de ciencia ficción, é fundamentalmente unha obra de crítica ideolóxica inzada de disertacións sobre o universo, a materia, os sentidos e a ética, a través das que Cyrano fustriga os vicios da súa época e toma partido polas concepcións máis avanzadas da ciencia e da filosofía.

Publicados postumamente en 1657 e 1662, os textos das viaxes permaneceron censurados durante máis de dous séculos.

Enxeñoso, poético e imaxinativo, a ironía do autor é constante e mordaz, sementada entre magníficas descricións con ingredientes alquímicos e requintadas alegorías nunha escrita plenamente barroca.

Cyrano de Bergerac forma parte, no século XVII, dese movemento libertino que prefigura a potente maré do XVIII, da filosofía das Luces, a ampla vaga que traerá os principios do Laicismo e da Revolución.

Podes ler as primeiras páxinas do libro aquí.

Esta obra recibiu unha subvención da Consellería de Cultura e Turismo da Xunta de Galicia.

ISBN: 978-84-17388-46-1
Nº páxinas: 154
Encadernación: Rústica con lapelas
Medidas: 145 x 220 mm
PVP: 15 €