Canta rutina toleramos? Cantos desencontros son necesarios? Canta atención necesita ese nosoutros? Cantos horizontes distintos nos podemos permitir? Catro parellas, catro momentos vitais e catro finais felices, cada un á sua maneira.
Mario Caneiro Ameneiros. Nacido en Narón en 1969 e veciño de Compostela dende 1987, publicou a novela Homiños no ano 2012 na editorial Barbantesa; a súa tradución, Nunca quise ser niño, foi editada en 2015 por Pulp Books. Nese mesmo ano, e de novo en Barbantesa, publica o libro de relatos Emparellados e tres nenas, do que no 2020 nacería o conto ilustrado A nena (en colaboración coa ilustradora Eva Rieiro e publicado na editorial Medulia). Tras a novela Ana e os homes, que viu a luz no ano 2017 e Túnel de vento, o seu primeiro poemario, publicado en 2021, chega esta cuarta novela.