Sarah Andersen (1992) é unha ilustradora e debuxante de cómics estadounidense que se popularizou en internet cos cómics Sarah’s Scribbles, que comezaron a publicarse en papel en 2016.

Andersen colaborou co novelista Andy Weir na novela gráfica Cheshire Crossing, en 2019. A finais dese mesmo ano comezou un webcomic sobrenatural chamado Fangs, que tamén tivo versión en papel. O seu libro Cryptid Club (2022) foi nominado a dous premios Eisner.