Ralf König (Soest, Alemaña, 1960) é un debuxante coñecido polos seus cómics sobre cultura gai. Tras formarse como carpinteiro e na Academia de Belas Artes de Düsseldorf, saíu do armario a finais da década de 1970 e empezou a realizar historias curtas para revistas homosexuais da época. En 1986, as súas primeiras obras longas, O home desexado e O
condón asasino, obtiveron un grande éxito internacional máis aló do seu público inicial. Autor de máis de 30 novelas gráficas que inspiraron varias adaptacións cinematográficas e teatrais, König foi premiado en prestixiosos festivais de banda deseñada, como o de Angoulême, Barcelona ou Lucca.

© retrato do autor: vvg-koeln