Niccolò Ammaniti (Roma, 1966) é a gran figura literaria italiana da súa xeración. Os seus libros publícanse en máis de 40 linguas e foron levados ao cine en varias ocasións con notable éxito, coma no caso de Ti e mais eu, dirixida por Bernardo Bertolucci. Ammaniti conquista tamén a crítica, xa que obtivo algúns dos premios máis prestixiosos do seu país, como o Strega e o Viareggio.