Morten Ramsland (Københaven, 1971) licenciouse en Historia da Arte e Literatura Danesa na Universidade de Århus. Debutou como escritor en 1993, cunha colección de poemas. Dende aquela publicou unha novela (Akaciedrømme, 1998) e varios libros infantís, pero foi con Cabeza de can (2005), a súa segunda novela, coa que colleitou un grande éxito de crítica e público.

Comparada con obras do talle de Cien años de soledad, de Gabriel García Márquez, ou O mundo segundo Garp, de John Irving, esta novela reportoulle os galardóns máis importantes da literatura danesa, como o Premio ao Autor do Ano, Libro do Ano e o Golden Laurel, concedido polas librerías do seu país. Cabeza de can traduciuse xa a unha vintena de idiomas.