Michela Murgia (Cabras, Sardeña, 1972) xa publicara dous libros (unha sátira sobre os call centers e un caderno de viaxe de Sardeña) cando Acabadora (2009) acadou un grande éxito de crítica e público. A súa primeira novela mantívose nas listas dos máis vendidos en Italia e foi traducida a unhas vinte linguas. Ademais do Premio Campiello, o máis prestixioso do seu país, Acabadora mereceu o Premio Alassio, o Città di Cuneo, o Dessì, o Super Mondello e o Viadana.