Kopano Matlwa (Pretoria, 1985) gañou o Premio Literario da Unión Europea con tan só 21 anos pola súa novela debut Coconut, pola que tamén recibiu o Premio Wole Soyinka de Literatura Africana, e que escribiu mentres estudaba Medicina. No ano 2010 publicou a súa segunda novela, Spilt Milk, seleccionada para o Premio á Ficción do Sunday Times. Matlwa aborda cuestións como a raza, a pobreza ou o xénero non só dende a escrita, senón tamén dende o activismo.