Katherine Mansfield Beauchamp (Wellington, 1888 Fontainebleau, Francia, 1923) é a autora neozelandesa máis internacional. Foi unha rebelde que viviu intensamente os seus 34 anos, nunha época en que os roles de xénero experimentaron un cambio radical.

En 1911 publicou a súa primeira escolma de contos, Nunha pensión alemá. A morte do seu irmán menor, Leslie, na Primeira Guerra Mundial devastouna, e atopou consolo na lembranza da infancia no seu país. Estes recordos transformáronse nalgúns dos seus mellores relatos. Na súa etapa máis prolífica enfermou de tuberculose. Neste periodo publicou dúas coleccións de relatos: Bliss (1920) e Festa no xardín (1922). A maior parte da súa obra viu a luz postumamente.