John Williams (Texas, 1922 – Arkansas, 1994) é un novelista e poeta que traballou en prensa e radio antes de enrolarse nas forzas aéreas dos Estados Unidos en 1942, destinado á India e Birmania. Tras a guerra, estudou na Universidade de Denver. Nesta época publicou a súa primeira obra de ficción, Nothing But The Night (1948) e de poesía, The Broken Landscape (1949). Xusto despois, comezou a dar clase na Universidade de Missouri, onde se doutorou en 1954. Deixou publicados dous poemarios e catro novelas, unha das cales, Augustus, obtivo o National Book Award.