J. M. Coetzee (Cidade do Cabo, 1940) educouse en África do Sur e nos Estados Unidos, e actualmente reside en Australia. É profesor de literatura, tradutor, lingüista, crítico literario e un dos escritores máis importantes e premiados de África do Sur. En 1974 publicou a súa primeira novela, Terras de penumbra. Coas dúas seguintes, No medio de ningures e Agardando polos bárbaros, gañou o CNA, o premio máis prestixioso das letras surafricanas.

Foi o primeiro escritor que obtivo dúas veces o Booker Prize, por Vida e época de Michael K. e Deshonra.

O variado elenco de galardóns con que foi recoñecido acadou o seu cumio cando en 2003 lle foi concedido o Premio Nobel de Literatura.