Isabelle Eberhardt
Nada suíza en 1877, con pasaporte tsarista, naturalizada francesa polo seu matrimonio cun franco-alxeriano, mais, por riba de todo, de alma e corazón magrebís, Isabelle Eberhardt protagonizou unha extravagante vida. En 1895, o seu irmán Augustin enrólase na Lexión Estranxeira e ela pídelle informes periódicos da súa vida no Magreb, mentres se comeza a relacionar con árabes que viven en Francia. Publica os seus primeiros artigos cos pseudónimos de Nicolas Podolinsky, Nadia ou Mariam. Os seus soños de ir vivir a Oriente cumpríronse en 1897, cando convenceu a súa nai de acompañala a Alxeria. Acabarán abrazando o estilo de vida árabe e converténdose ao islam. Se isto non abondase, Isabelle vestía de beduíno, falaba o árabe popular, fumaba kif e, malia a súa conversión ao islam, bebía alcol e mantiña relacións sexuais cos homes que se lle antollaban. Faleceu aos 27 anos, tras unha intensa vida.
Publicacións en Rinoceronte