Gaël Faye (Burundi, 1982), de nai ruandesa e pai francés, trasladouse a Francia en 1995, fuxindo do seu país natal debido á guerra civil e ao xenocidio tutsi de Ruanda. Tras obter un máster en finanzas, abandonou o mundo da economía para dedicarse de cheo á escrita e á música. A súa primeira novela, Pequeno país, foi un éxito en Francia, onde recibiu galardóns tan importantes como o Prix du roman Fnac 2016 e o premio Goncourt des Lycéens 2016.