Clarice Lispector naceu en Chechelnik, Ucraína, en 1920, aínda que ao ano e medio os seus pais migraron para o Brasil, onde se convertería nunha das súas grandes autoras. Estudou Dereito e casou cun diplomático, co que viviu en Europa e nos Estados Unidos. Malia os continuos traslados, mantivo activa a súa carreira literaria dende os 22 anos. Faleceu na véspera do seu 57.º aniversario.