Charlotte Delbo (Vigneux-sur-Seine, 1913 – París, 1985). Filla de emigrantes italianos, aos dezasete anos comeza a traballar como secretaria na capital francesa, e aos dezanove únese ao movemento das Xuventudes comunistas. En 1934 coñece a Georges Dudach, moi activo no seo do partido, co que acaba casando. Detidos ambos en 1942 polas brigadas especiais da policía francesa, o seu marido é fusilado e ela trasladada a Auschwitz e Ravensbrück. Tras a súa liberación, en abril de 1945, traballa para a ONU en Xenebra durante máis dunha década, antes de volver ao seu país de orixe.