Antonia Pozzi (Milán, 1912-1938) é unha das poetas italianas máis fascinantes do século xx, aínda que, tras a súa morte, a súa obra tardou décadas en ser debidamente recoñecida e estudada. De clase acomodada, Pozzi formou parte dos círculos intelectuais do Milán do momento, coñeceu en profundidade a cultura europea e amosou unha gran preocupación pola crise social e política que ameazaba o continente na década de 1930. Suicídase con só 26 anos, deixando tras de si unha obra poética asombrosa que se verte agora por primeira vez ao galego.