Alice Walker (Eatonton, Georgia, Estados Unidos, 1944) é unha escritora e activista, coñecida polo seu perspicaz retrato da vida e cultura afroamericanas. Gañou o Premio Pulitzer e o National Book Award en 1983 pola súa novela A cor púrpura, levada ao cinema por Steven Spielberg. Escribiu máis de trinta obras entre novela, poesía e ensaio, nas que reflicte a súa militancia na defensa polos dereitos civís e a súa loita contra o racismo e o sexismo.