A vida de Alcifrón resulta hoxe imposíbel de concretar, tanto no tempo coma no espazo, xa que as poucas referencias á súa persoa son tardías e extremadamente breves. Tampouco da súa obra podemos deducir quen foi, en que época ou en que lugar viviu, xa que o autor real non se manifesta por ningures. A maioría dos expertos conclúen que Alcifrón debeu de vivir no século II.