Cantar de Ruodlieb

Anónimo

ISBN: 978-84-92866-87-8

Nº páxinas: 150

Encadernación: Rústica con lapelas

Medidas: 145 x 220 mm

PVP: 15 €

Tradución do latín de Maite Jiménez Pérez

O Cantar de Ruodlieb é un poema épico en latín escrito no último terzo do século XI en territorio alemán. Esta obra pecha o ciclo da épica latina carolinxia, da que o Cantar de Valtario foi unha testemuña excelsa.

Distanciado claramente da épica latina medieval, o poema inaugura o riquísimo ciclo de narracións épicas en francés pertencentes ás materias de Bretaña e de Francia, e á épica xermánica tamén en lingua vernácula do Cantar dos Nibelungos ou do Parzival. Por estas razóns foi cualificado en moitas ocasións como a primeira novela cortés da literatura occidental e o cabaleiro protagonista coma o primeiro heroe cortés.

Ruodlieb é unha amálgama de elementos de xéneros diversos e tradicións diferentes: epopea, espello de cabaleiros, lenda, conto popular, fábula, poema didáctico, saga, e moito máis. É indubidable que o autor do Ruodlieb quería contar unha historia diferente,  compoñer algo moderno e que sobre todo gozaba co oficio de escribir.

Podes ler as primeiras páxinas do libro aquí.

CONTACTA CON NÓS

Se tes algo que contarnos, propoñernos ou compartir con nós, non o dubides e contacta.

a nosa oficina

avenida de vigo, 103, galerías

36940 - cangas do morrazo

teléfono

+34 986 168 028

+34 986 168 029